handi-lion Admin
عدد الرسائل : 1310 العمر : 33 الموقع : www.handi.yoo7.com تاريخ التسجيل : 28/03/2008
| موضوع: تربية الاولاد الأربعاء مايو 06, 2009 3:26 am | |
| سلام .. هلموضوع رح يكون جزء من موضوع عيون على المهجر هيي قصه,, كلنا بنتسلى بالقصص.. بس كمان كلنا بناخد حكمه من القصص .. وياما أكتر القصص بهلعالم
رح بلش بقصه جارنا أبو مصطفى رجال عاش كل حياتو هون من لما كان عمرو 18 لحتى أخد تقاعد وخلص يعني صار هلئ بالستين زلمه من عيله غنيه جدا بلبنان ,, أختار أنو يسافر كندا وهويي شب ,, وفعلا سافر وعاش هون.. ومتل مبتعرفو سافر وحده, وما أكتر الحنونين هون ,, يعني 1000 بنت بترضى أنها تعيش معو بدون زواج ... صاحب بنت كنديه وعاش معها متلو متل أي كندي !! شي عشر سنيين وهني سوا نفس البيت وعايشين,, وهويي عم يشتغل وأبووه عم يبعتلو مصاري على أساس عم يتعلم .. والمصاري كلها رايحه للكيرل فرند والتعريص .. حرام نحكي عنو لانو تاب وصار رجال آدمي أكيد بنات هون مبيرضو بواحد بس,, بدها تغير كل فتره ,, وشكلها ضجرت منو تركتو ومشت.. أنصدم ويأس ومرض وشويي كان مات أهله عرفو بالقصه وأبوه أجا هون وأخدو علبنان شي سنه عاش هونيك ..وهون بلشت توبتو لما أتزوج بنت من دينو ومن بلدو تزوج ورجع لهلبلد يكمل طريقو .. جاب ولاد وعاش وأجى وقت تربايه الولاد,, مرتو كتير ست فهمانه ومتدينه وبتعرف تربي .. أول ولد ربوه عمبادئ .. ما شاء الله عليه هلئ صار هلئ دكتور وبصلي وبصوم ومفي أحلى منو مع أنو عايش كل عمرو هون !! ورايح علبنان زياره وحده يلي هيي 3 شهور صيف فقط
هلئ أخوه لابو مصطفى حب بنت الجيران بلبنان وأمو ما خلتو ياخدها .. راحت علسوق بيوم من الايام ,, أجت علبيت لقيت أبنها شانق حالو !!! وميت وهاد صار من كتر الضغط عليه لانو أهلو مخلوه ياخد يلي بحبها .. الله يرحمو
جارنا هون لما سمع بقصه أخوه تفاجئ وأنقهر وصار مع ولادو حنون زياده عن اللزوم ,, وجاب ولد سماه عأسم أخوه يلي شنق حالو.. و كان يضل يتمشكل هويي ومرتو كرمال أبنو هاد ,, لا يخليها تضربو ولا يخليها تحكي معو,, قال مبدو يضغط عليه .. خاف يعمل متل أخوه كبر الولد وأسمه عامر .. صار حشاش .. أبن شارع يعني الله يهديه مفينا نحكي أكتر من هيك,, من كم يوم سمعتو عم يقول لامو سكري تمك !!! وشويي وبدو يضربها
الخلاصه من هلقصه أنه العلاقه بين الولد وأبوه مش لازم تكون علاقه صداقه كتيير كتيير لانو الولد رح يطلع بلا تربايه .. وكمان مش لازم تكون علاقه قاسيه لانو الولد رح يكون خايف من أهلو ومش خايف من شي تاني,, وأول فرصه أهلو بروحو رح يعمل كل شي من ورا ضهرهم
يعني باختصار .. هلقصه ممكن انها تصير هون وبلبنان وبالسعوديه وروما وبأسرائيل الولد متل مربو أهلو بيطلع,, أكيد المجتمع كمان بأثر .. بس لما تعيش بمجتمع فاسد ومتلاقي مين يقلك هاد صح وهاد خطأ؟؟ أكيد رح يجي يوم وتصير فاسد متلك متل المجتمع ويمكن أضرب
أنا بحس أنه من عمر ال 5 لعمر ال 10 هاد هويي العمر يلي فيك تروض فيه أبنك عأخلاق ونفسيه أنت بتحبو يكون مالكها فوق ال 10 صعب يكون فيك تعطيه أفكارك وتنتظر منه أنه يقبلها ..
الضرب هويي أداة فاشله لتربايه الولد .. ومستحيل تزبط لانو لو كانت بتزبط كان الحمار صار أنسان صاحب ابنك على أساس أنت أبوه مش رفيقو,, لا تسمح أنو يناديك بأسمك لانو " من يسرق بيضه يسرق جمل.. يمكن هويي وعم يمزح يناديك بأسمك لانك متل رفيقو.. بس يمكن لما يعصب يسبك كمان متل رفيقو " وكمان كون أب مش جلاد.. الام وحدها لو بتضل مع الولد كل عمرها مش كافي تربيه.. الاب غير,, نظريه منك كأب بتساوي تعب نهار للأم بالتربايه
يلي بحب يضيف شي ما يتردد
تحياتي | |
|
هالة
عدد الرسائل : 102 العمر : 32 تاريخ التسجيل : 01/03/2009
| موضوع: رد: تربية الاولاد الأربعاء مايو 06, 2009 12:24 pm | |
| شكرا على القصة الرائعة يسلمو ايديك مع حبي هالة | |
|
handi-lion Admin
عدد الرسائل : 1310 العمر : 33 الموقع : www.handi.yoo7.com تاريخ التسجيل : 28/03/2008
| موضوع: رد: تربية الاولاد السبت مايو 09, 2009 8:16 am | |
| | |
|